لو مكنش السيسى عمل انقلاب

لو مكنش السيسى عمل انقلاب

كان زمان الشعب الامريكى بينام الساعه 12 بالليل مش بينام من المغرب و كان زمان قائد الاسطول السادس نايم فى حضن ولاده

كان زمان باسم يوسف لسه شغال سلخ فى مرسى و احمد ادم بيرقص فى بنى ادم شو و هانى رمزى و زلطه بينقدو مرسى بحجة حرية الاعلام

كان زمان الطلبه داخلين المدارس و معاهم التابلت مش داخلين يتفتشوا من فالكون

كان زمان عندنا اكتفاء ذاتى من القمح مش واخدين المركز الاول عالميا فى استيراد القمح

كان زمان بقالنا سنه و نص بنبنى محطات توليد الكهرباء الجديده اللى بتعمل بالغاز

كان زمان ياسر برهامى لسه بيقول الماده 219 دونها الرقاب و مظهر شاهين ثورجى

كان زمان حمدين صباحى لسه بيطالب بانتخابات رئاسيه مبكره

كان زمان البرادعى لسه راشق على تويتر و بيقول و كأن ثوره لم تكن و كأن نظام لم يسقط و كان هيبقى لسه سابقنا بخمسميت سنه ضوئيه

كان زمان 42 الف معتقل و اكتر من 4 الاف شهيد فى وسط اهاليهم

كان زمان الداخليه معملتش سجن جديد فى جمصه

كان زمان حازم ابو اسماعيل لسه بيقول ان العسكر ثعالب و بيقول ان السيسى ممثل عاطفى

كان زمان اهالى سينا لسه قاعدين فى بيوتهم و كان زمان معبر رفح مفتوح

كان زمان عندنا مجلس شعب و مجلس شورى و دستور باختيار الشعب

كان زمان الناس بتقف طوابير طويله عشان تصوت فى الاستحقاقات الانتخابيه

كان زمان عمداء الجامعات لسه بيتعينوا بالانتخاب مش بالتعيين من رئيس الجمهوريه

كان زمان الشعب فاكر ان الكفته للاكل بس مش لعلاج الايدز و فيروس سى و مكناش سمعنا عن التاكسى الطائر و لا عرفنا ان السبانخ بيتولد منها طاقه كهربائيه

كان زمان مصر وصلت لمراحل متقدمه من مشروع تطوير محور قناة السويس

كان زمان حلايب و شيلاتين لسه مصريه

كان زمان الدعم لسه موجود و كيلو المانجه بخمسه جنيه اللى دلوقتى كيلو البطاطس بقى بتمانيه جنيه

كان زمان مصر موفره فلوس الخرطوش و قوات فض المظاهرات و الغاز المسيل للدموع

كان زمان الشعب معرفش ان السيسى رسول من عند الله

كان زمان الستات بتقف فى طوابير الانتخابات باحترام مش تصوت و تطلع ترقص

كان زمان ابن الغلبان المتفوق اللى جايب امتياز فى حقوق شغال وكيل نيابه

كان زمان نادر بكار لسه بيدور على قائمة اخونة الدوله

كان زمان مبارك و العادلى متعلقين فى المشانق و حق الشهدا رجع

كان زمان تهانى الجبالى لسه بتقول ان اوباما اخوانى

كان زمان الشعب لسه بيحتفل بثورة يناير اللى بقت مؤامره تانى

كان زمان الناس بقى عندها كرامه و مكناش هنشوف بنى ادمين بيتصوروا و على راسهم بياده

كان زمانى مكتبتش البوست الطويل ده